Mei, Frau
Doblinger sans a
moi wieder im
Theader?
Was machens do
mit ihrm Mantel?
Griaßt eaner
Frau Islinger -
jo mei i war so
spät heut omds. I
hob z'lang ferngschaut
wegen dera Wahl
im Hamburg -
nexte Woch' san
mir dro und do
wollt ich doch
wissen wie's do
oben zuageht.
Und's war ka
Zeit ,ehr, dass
an Mantel
noch weghänga?
Na, da woar
ka Zeit und ich
wiui auch gleich
wieder hoam,
vielleicht hot
sich noch wos
geändert, ob's
die FDP geschafft
hat oder ned.
Wissen's, die hom
jo noch die 5
Prozent, bei uns do kann
mer ja mit vui
weniger neikumma.
Do werd's 's
Meierhoferl a
wieder schaff'n,
der hot ja jetzt
guat, der hoat
ja die
Unterstützung
von TVA. Sei
Frau macht doch
do ois.
Wos, des hob' i
gor ned g'wusst.
Ober Frau
Doblinger, wo
san's denn d'
ganze Zeit g'wesen - sie
ham doch aa a
Abo.
Frau Islinger,
wissens, des
passt mir hier
ois gor net, was
die do macha -
ich muass a mol
zu der Frau Dobner geh,
ob i net doch
des Abo kündig.
Drei moal bin i
jetzt schon in
der Paus'n
hoamganga - des
schiechliche
Diadem des Todes
- oder wie des
hoaßt, wos
woarn nacha des?
I hoab des net
verstandn und
des anderne do a
net, do bin i a
in der Pausn
weg - wie
hoaßt'n des - ja
jetzt fällt mer's
ein,
Yankeedoodle,
oder so, des Brigadum oder
wie des hoaßt -
i versteh nix
vom Theader,
aber schee solls
holt sei, und
wenn i des heut
wieder oschaugn
muass, do graust mer halt und
ollerweil die
Chines'n do auf
der Bühne.
Wissen's i hoab
ja nix gegen die
Asiat'n, mir hom
jo a a japanisch's
Auto und an Fotoapparat
hoam mer jo a
von dene
Chines'n und und
wos noch ois
und chinesisch
essen geh' mer a
- aber heut
Obend ist oaner,
der der soll der
Konsul von Rom
sein - hots
damals a scho
Chines'n in Rom
gebn und der der
Oberpriester is
a a Chines.
I versteh des
ois net -
is jetzt ois globallisiert?
Und seit wann
ham die Gallier
Maschinengewehre
g'habt - beim
Asterix wor des
net a so.
Bei dera Frau
List hot's des
ois net geb'n.
Frau Doblinger,
des stimmt net -
erinnerns eana
no an den
Oberon, der Chor
is do a mit
G'wehrn aus der
Versenke kumma,
wia de Taliban.
Ach, hörn's auf,
Frau Islinger,
früher wor ois
besser.
Und g'wisst hom
mer net ois, do
hot bloss die MZ
geb'n - jetzt
steht überoi wos.
Hom mir früher
g'wisst, was im
Stadtrat g'redt
worn is?
Jetzt des do mit
dem Daut und die anderne, die
hält die Hand
auf, wanns a
Wohnung an de
Ausländer gibt
und is die besser als der Posterer, den's
do jetzt
einsperrrn wolln
wegen dem sein
Geld in der
Schweiz.
Na, Frau
Doblinger, des
is net die
Schweiz, des in
Liechtenstein, wo
die des Geld hin
ham.
Jo, mei dann
halt net die
Schweiz, aber
mir zal'n olle
Steiern und die
andern, die
schleppens Geld
in die Schweiz
und dann legen's
halt was dem
Staatsanwalt hi
und der lasst
eana laffa.
Des geht doch
ois net.
Und wos wird
sein next Woch
do in
Rengschburg - do
wern zwoa
verliern und die
zwoa wern sich
z'samm tuan und
dann kriagn mer
doch noch a
Stadthalln am
Donaumarkt.
Jetzt will die
Fürstin im
Schloss a Hotel
ham, weil's des
ois nimmer zahl
'n
ko, des riesige
Haus und do
hot's wohl den
Greipl g'fragt,
ob's des derf
und der war
heut abends im
Fernsehen - mei
is der wampert
woarn.
G'moant hot er,
ihm is wurscht,
ob die Gäste do
im Hotel dann
auf die Gräber
von die
Vorfahr'n
frühstückn wern.
Mei 's holt a
so - die macha
olle wos wolln.
I denk i geh
gar net mer hi zur
Wahl - schlimm,
aber wos soll
mer macha.
I woas nimmer
weider, wen i
wähl'n soll.
Frau Doblinger
jetzt klingelt's
scho, jedtzt
müss mer nei
geh'n - bleims
halt noch do -
jetzt is eh
wurscht, wos in
Hamburg ist.
Jetzt geht's um
die Norma.
Sagn's amol
Frau Islinger
hoaßt dera
Norma-Lod'n do
im Boahnhof,
hoaßt der nach dera Frau do
ob'n auf dera
Büh'n?
Der Lodn muss
doch laffa und wos bringa
- des die
abnd's noch
singa geh'n
muss, versteh i
net.
